Ամառը տարվա իդեալական եղանակ է, երբ կարելի է հավաքվել ընկերներով և կոկտեյլ ըմպել։ Oprah Magazine պարբերականի հուլիսյան համարում ամերիկացի հաղորդավարուհի Օփրա Ուինֆրին կիսվել է իր սիրելի կոկտեյլի բաղադրամտոմսով, որը կոչվում է «Մաուին դեկտեմբերին»։ Այն շատ համեղ է և դյուրին է պատրաստել։
Կոկտեյլի բաղադրության մեջ ներառված են արքայախնձոր, կիտրոնախոտ և կոճապղպեղ։ Սակայն պատրաստել սկսելուց առաջ պետք է օղուց թուրմ պատրաստել։
Ստորև ներկայացնում ենք 2 կոկտեյլի համար անհրաժեշտ բաղադրիչները՝
1 մեծ արքայախնձոր, կիտրոնախոտի 2 ցողուն՝ առանց արմատների և արտաքին տերևների, 1 շիշ օղի, անանուխի 3 տերև, մաքրած կոճապղպեղի 2 փոքրիկ կտոր, ¼ բաժակ սառը երիցուկի թեյ, ½ բաժակ կիտրոնի հյութ (շուրջ 2 կիտրոն)։
Արքայախնձորը հարկավոր է մաքրել և 4 մասի բաժանել, հանե՛ք յուրաքանչյուրի միջուկը։ Դրա երկու քառորդը մանրացրեք բլենդերով՝ մինչև միատարր զանգված ստանալը։ Այդ զանգվածն ապակե տարայով պահե՛ք սառնարանում։
Մնացած արքայախնձորը և կիտրոնախոտը եփել, ծածկել կափարիչով և տապակայի վրա թողնել յուրաքանչյուր կողմից 4-5 րոպե։
Խորովված արքայախնձորը, կիտրոնի հյութը, օղին և անանուխը դրեք մեծ տարայի մեջ։ Ծածկե՛ք և 8 ժամ կամ գիշերվա ընթացքում թողեք սառնարանում։
Կոկտեյլների պատրաստման համար կոճապղպեղը մանրացրե՛ք բլենդերով, ավելացրե՛ք սառույցի կտորներ։
Ավելացրե՛ք օղու թուրմի ½ բաժակ, ½ բաժակ սառեցված արքայախնձորի հյութ, երիցուկի թեյ, կիտրոնի հյութ։
Մատուցելիս զարդարեք կիտրոնախոտի տերևներով։
