Եթե կուզեք սուրճը վայելել քաղցրավենիքով, ապա գտնվում եք ճիշտ տեղում և ընթերցում ճիշտ բաղադրատոմս։
Բաղադատոմս, որի օգնությամբ հեշտորեն կպատրաստեք սուրճի հետ հիանալիորեն համադրվող քաղցրեղեն, որը կարելի է անվանել կոնֆետ, իսկ ավելի ճիշտ՝ տրյուֆել։
Դե ինչ, եթե պատրաստ եք սկսել, ապա լավ կլինի նախապատաստեք հետևյալը՝
Ալյուր — 250 գ
Կարագ — 150 գ
Շաքարավազ — 100 գ
4 ձվի դեղնուց՝ եփած
Կակաո — 2 ճ.գ.
Շաքարի փոշի — 2 ճ.գ.
Եթե նկատեցիք, պարունակում է ընդամենը մի քանի բաղադրիչ, որոնք հեշտրեն կգտնվի ցանկացածի տանը։ Հավկիթը խաշել (եռալուց հետո եփել 10 ր), գցել սառը ջրի մեջ։ Մաքրել, դեղնուցն առանձնացնել, լավ տրորել։ Կարագը մի փոքր տաքացնել (չպետք է հալվի, պետք է շատ փափուկ լինի)։
Կարագին ավելացնել շաքարավազը և դեղնուցը, լավ տրորել։ Ավելացնել ալյուրը, լավ խառնել գդալով։ Խմորից ձեռքով գնդիկներ պատրաստել 2 սմ տրամագծով։ Ստացվում է մոտ 30 գնդիկ։ Գնդիկներին տալ կոնի տեսք։
Դասավորել ափսեների մեջ և 10 ր սառցարանում սառեցնելուց հետ թխել 180°֊ում 25֊30 ր։ Կոները հովացնել, բայց ոչ շատ։ Տաք վիճակում թավալել կակաոյի և շաքարի փոշու խառնուրդի մեջ և վայելել։