Աղցաններն ամենաթեթև, նուրբ ու համեղ ուտեստներն են, որոնք կարող ենք թույլ տալ մեզ ուտել փոքր-ինչ ավելի՝ հատկապես, երբ արդեն մեկնարկել է Պահքի շրջանը։
Բուսական աղցաներն այս շրջանի համար ամենահարմարն են։ Եվ այսպես, եթե ցանկանում եք փայլել խոհանոցում և հյուրերի գովեստին արժանանալ, ապա պատրաստեք մեզ հետ բանջարեղենային այս համեղ աղցանը։ Այն համեղ է, նուրբ և պատրաստվում է հաշված րոպեների ընթացքում։
Այս աղցանում որպես կենդանական ծագման սնունդ առկա է հավկիթ և թթվասեր։ Եթե գտնվում եք Պահքի մեջ, ապա այդ մթերքները կարող եք չկիրառել։
Առաջարկում ենք նախապատրաստել հետևյալ մթերքները՝
Պեկինյան կաղամբ — 300 գ
Վարունգ — 1 հ․
Հավկիթ — 4 հ․
Կանաչ սոխ
Սամիթ
Թթվասեր — 3 ճ․գ․
Բուսայուղ — 3 ճ․գ․
Մանանեխ — 1 թ․գ․
Աղ — 1/2
Նախ հարկավոր է խաշել հավկիթները, այնուհետև մանրացնել բոլոր մթերքները և միախառնել։ Պատրաստման ողջ ընթացքը ներկայացված է վարը կցված տեսանյութում։
