Շոկոլադե մուսն աչքի է ընկնում իր նրբահամությամբ և քաղցրությամբ։ Փորձենք այն պատրաստել տնային պայմաններում։
Բաղադրիչներ՝
4 Մարս շոկոլադ,
100 մ/լ կաթ,
2ճ/գ կակաո,
3 սպիտակուց։
Կաթսայի մեջ դնել շոկոլադե բատոնները և կաթը։ Դրանք հալեցնել մարմանդ կրակի վրա։ Մի՛ մոռացեք անդադար խառնել։
Երբ բատոնները հալչեն, այնտեղ կակաո շաղ տվեք, խառնեք և հարեք բլենդերով։
Սպիտակուցները հարեք այնքան՝ մինչև փրփուրի վերածվեն և աստիճանաբար հավելեք շոկոլադե զանգվածին։
Մուսը լցրեք տարաների մեջ և մի քանի ժամ պահեք սառնարանում։
Կարող եք նաև զարդարել մուսը։ Դրա համար կարող եք վերցնել շոկոլադ (կարելի է նաև սպիտակ), ընկուզեղեն կամ թարմ հատապտուղներ։
Սառը աղանդերն իսկական փրկություն է ամռան տապին։ Դրա շնորհիվ կարելի է և՛ զովանալ, և՛ վայելել քաղցրավենիքը։
Բարի ախորժակ։
