Սիրում եք պանիր, ուրեմն այս բաղադրատոմսը հենց ձեզ համար է։ Պանրով ռուլետ պատրաստելու համար շատ ժամանակ հարկավոր չէ։ Այն համարվում է սառը խորտիկ և հաճելի է համտեսել մեկ գավաթ գինու կամ գարեջրի հետ։
Անհրաժեշտ բաղադրիչները՝
Ձու — 4 հատ Սխտոր — 2 կտոր
Սամիթ — 1 փունջ Մայոնեզ — 175 գ
Աղ – ըստ ճաշակի Պանիր – 400գ
Պատրաստման եղանակը՝
Տարայի մեջ լցրեք ձուն և մայոնեզի կեսը ու լավ հարեք, ապա համեմեք աղով։ Ջեռոցի տարան ստվարաթղթով ծածկեք և ստացված զանգվածը տեղափոխեք տարայի մեջ հավասարաչափ տարածելով ստվարաթղթի ամբողջ մակերեսին։ Տեղադրել ջեռոցում և եփել 10 րոպե, 180 աստիճան ջերմաստիճանով։
Իսկ այդ ընթացքում հարկավոր է պատրաստել միջուկը։ Դրա համար ձեզ անհրաժեշտ է պանիրը քերել վրան ավելացնել մայոնեզը լավ խառնել, ապա ավելացնել ճզմած կամ մանր կտրատված սխտորը և մանրեցված սամիթը, վերջ ռուլետի միջուկը պատրաստ է։
Երբ ռուլետի շերտը պատրաստ կլինի հանեք ջեռոցից և թողեք մի քանի րոպե սառչի, ապա միջուկը հավասարաչափ տարածեք շերտի վրա և զգուշորեն փաթաթեք տալով երկարավուն ձև։Այս ամենը մեկ ժամ տեղադրեք սառնարանում և հետո կարող եք մատուցել։
