Ազդեցիկ և հասարակության մեջ բարձր դիրք գրավող տղամարդկանց համար ոճն առաջնային է։ Տեսնենք, թե ով է ամենաազդեցիկ և ոճային տղամարդը՝ գործնական դրես կոդի շրջանակում՝ ըստ VOTUME Image Agency-ի։
Ամենաոճային քաղաքական գործիչներից առաջինը Ֆրանսիայի նախագահ Էմանուել Մակրոնն է։ Նրա ոճում աչքի են ընկնում էլեգանտությունը և պահպանողականությունը՝ լավ սանրվածք, թանկարժեք կոստյումներ, ժամացույց։
Նախագահը բավականին խիստ, սակայն էլեգանտ և էներգետիկ տեսք ունի։ Մակրոնը նախընտրում է մուգ կապտավուն երանգները։
Կանադայի վարչապետ Ջասթին Թրյուդոն վառ օրինակն է այն բանի, թե ինչպես են համադրվում «քաղաքականություն» և «ոճ» բառերը։ Առաջին անգամ մյուս քաղաքական գործիչների ֆոնին նա առանձնացել է երկնագույն վերնաշապիկով և վառ կարմիր փողկապով։
Օձիքների ճիշտ ընտրված չափսը, ինչը համապատասխանում է նրա սանրվածքին, առանց բաճկոնի երկարատև ելույթները նրան ոճային են դարձնում։ Ինչ վերաբերում է գուլպաներին, դրանք արտացոլում են Թրյուդոյի քաղական հայացքները։
Աարոն Շոքն ամերիկացի հայտնի քաղաքական գործիչ է, հանրապետական։ Կոնգրեսի ամենաերիտասարդ անդամը ոչ պաշտոնապես համարվում է Ամերիկայի գեյ-կուռքը։ Կոնգրեսականը կրում է Zegna ապրանքանիշի կոստյումներ։
Ահարոնի կերպարներում առկա են և՛ վանդակներն ու զոլերը, և՛ տարբեր զարդանախշերը։ Նա հաճախ է գործածում զոլավոր կամ զարդանախշերով փողկապներ։
Էնրիկե Պենյա Նետոն Մեքսիկայի նախկին նախագահն է։ Նրա կերպարին առանձնահատկություն է հաղորդում սովորական, սակայն ձյունաճերմակ վերնաշապիկը։ Մազերը նա միշտ հարդարում է գելով։
Էնրիկեն մուգ երանգի կոստյումներ է նախընտրում։ Դա ավելի է ընդգծում նրա պաշտոնական կարգավիճակը։ Կստյումները Էնրիկեն համադրում է վառ երանգների փողկապների հետ։
Արքայազն Հարին այս վարկանիշում տեղ է զբաղեցնում ոչ թե ոճի, այլ ոճի էվոլյուցիայի համար։ Շատերը դա անվանել են «Մեգանի էֆեկտ»։ Միայն ամուսնությունից հետո է նա սկսել նորաձև հագուստ կրել։
Սասեքսի դուքսը սկսել է կրել ավելի նուրբ երանգների նրբաճաշակ կոշիկներ, վերարկուներ՝ համադրված քաշմիրե շարֆերի նեյտրալ երանգներով։
