Ն. Փաշինյանի այսօրվա ուղիղեթերային ուղերձի հիմնական նպատակը թագավարակային տարածման մասին խոսելն է: Վարչապետն անհանգստացած է այն փաստով, որ քաղաքական սրվածությունը հետին պլան է մղել վարակի հետ կապված զգուշավորության պահպանումը:
Վարչապետը ապակենտրոն պայքարի ու պատասխանատվության դաշտ է հրավիրում բոլորին՝ յուրաքանչյուրին սեփական զգուշավորության պահպանման կոչ անելով: Նա դարձյալ հիշեցնում է այն բոլոր նախապաշտպանական միջոցառումները, որոնց պարտավոր է հետևել յուրաքանչյուր մարդ:
Վարչապետը կարևորում է այն փաստը, որ մարդիկ թագավարակին զուգահեռ ապրել սովորելու գաղափարը չշփոթեն անկաշկանդ շփվելու և հնարավոր է նաև վարակվելու հետ:
Այս ամենով հանդերձ՝ Ն. Փաշինյանը որոշակի դրական տեղաշարժի ուրախալի միտում է արձանագրում տնտեսական վիճակի վերականգնման հետ կապված: Այս դինամիկան կարող է շարունակական լինել, եթե ցուցաբերվի առանձնահատուկ պատասխանատվություն:
Վարչապետն իր խոսքը եզրափակում է բոլորի նկատմամբ իր ունեցած վստահության և հպարտության արտահայտությամբ:
Հակահամաճարակային պայմանները համատարած չեն պահպանվում։
Опубликовано Nikol Pashinyan / Նիկոլ Փաշինյան Вторник, 12 мая 2020 г.
