Որքան էլ որ կյանքը դժվար մարտահրավերներ է նետում մարդկանց, ամենադժվարը , թերևս,մարդկանց հետ լեզու գտնելն է :Մարդկանց հետ հրաշալի հարաբերություններ հաստատելու , նրանց վրա Ձեր ազդեցությունը տարածելու համար մի քանի հոգեբանական հնարքներ կան, որոնց մասին բազում գործերում նշում են նաև հոգեբանները:
Պարզվում է ՝ մարդու ականջին ամենահաճո բառը նրա իսկ անունն է , ուստի որևէ մեկի հարգանքին արժանանալու տարբերակներից գլխավորն այդ մարդուն անունով շատ հաճախ կոչելն է : Այս առումով փաղաքշական , հարգալից բառերը անվանը կցելը կարող են միայն լավացնել գործը: Երկրորդ ամենակարևոր հնարքը լսելն է :
Եթե խոսակցության հենց սկզբում ընդդիմանաք զրուցակցին ու փորձեք ապացուցել նրան , որ սխալ է , անպայման կձախողեք: Ժամանակ տվեք նրան իր տեսակետը հայտնելու, նույնիսկ ինչ-որ առումով համաձայնեք նրա հետ, հետո արդեն կարող եք Ձեր կարծիքը հայտնել:
Հաջորդ հաջողության միջոցն օգտագործելիս պետք է հաշվի առնել այն պարզ իրողությունը, որ մարդիկ համակրում են նրանց, ովքեր ավելի շատ են նման իրենց: Ուստի նույնիսկ միայն կրկնելով նրանց շարժումները կարող եք ստիպել դիմացինին հանգիստ և ապահով զգալ Ձեզ հետ: Կարող եք օգտագործել այս հնարքներն ամեն օր, արդյունքը հենց նույն պահին կզգաք:
