Հնդկական գյուղերից մեկում ողբերգություն է տեղի ունեցել։ Վայրի փիղը կնճիթով տնից դուրս է բերել 7-ամյա աղջնակին և ոտնակոխ արել նրան։
Միջադեպը տեղի է ունեցել երկրի արևելքում գտնվող Օրիսա նահանգի Մունդասահի գյուղում։
Նշվում է, որ գիշերը վայրի փիղը մտել է գյուղ, պատուհանից դուրս է բերել երեխային և տրորել է նրան։ Կենդանին փլուզել է նաև շինության պատի մի հատվածը, ինչի հետևանքով ևս երկու երեխա է տուժել՝ զոհվածի եղբայրը և քույրը։
Անչափահաս երեխաներին տեղափոխել են «Չամպուա» հանրային բժշկական կենտրոն, որտեղ բժիշկները նրանց օգնություն են ցուցաբերում։
Օրիսա անտառային նահանգում փղերի հարձակումը մարդկանց վրա հազվագյուտ երևույթ չէ։ Այս տարվա ապրիլին կենդանին ոտնակոխ է արել միանգամից հինգ մարդու։
Բացի այդ, Հնդկաստանում հաճախակի են միջադեպերը, երբ կենդանիները վնասում են մարդկանց։ Դրա վառ օրինակն է այն, որ կապիկը սպանել է մեկամյա երեխային։
