Այսօր հայտնի դարձավ, որ ավտովթարի հետևանքով մահացել է Աղասի Աղասյանը, ով ծանրորդ, Հայաստանի բազմակի չեմպիոն էր: Ցավով տեղեկացնում ենք , որ չեմպիոնը ընդհամենը 30 տարեկան էր, բայց ավտովթարը խլեց նրա կյանքը:
Նշենք, որ Աղասի Աղասյանի առաջին լուրջ հաղթանակը եղել է 2010 թ.՝ ծանրամարտի աշխարհի երկրորդ ուսանողական առաջնությունում:2010 թ. Աղասին դարձավ Եվրոպայի երիտասարդական առաջնության ՝ մինչև 23 տարեկանների փոխչեմպիոն:
2014 թ ապրիլին Աղասին մասնակցել է Եվրոպայի ծանրամարտի առաջնությանը և 85 կգ քաշային կարգի B ենթախմբում գրավել առաջին տեղը: Աղասին 2016 թ պետք էշահեր Օլիմպիական խաղերի ուղեգիր, սակայն, իր խոսքերով, տարօրինակ միջադեպը զրկեց իրեն այդ ուղեգրից:
Այն որոշիչ եղավ, որպեսզի Աղասի Աղասյանը հեռանա մեծ սպորտից՝ կատարելով հետևյալ գրառումը, որ ինքը հեռանում է ճակատը բարձր՝ թքած ունենալով այն մարդկանց վրա, ովքեր էժան են իր կոշիկից:
Մեր ցավակցությունն ենք հայտնում Աղասի Աղասյանի հարազատներին և մաղթում համբերություն:
