Գեղարքունիքի մարզում կողոպտիչների հարձակման ենթարկված աղջկան հաջողվել է կողոպտիչներից խլել ատրճանակը եւ ստիպել հետ քաշվել: Այս մասին հայտնեցին Ոստիկանության լրատվական ծառայությունից:
Ինչպես հայտնում են ՀՀ ոստիկանությունից, հոկտեմբերի 2-ին, ժամը 19.00-ին, Գավառի հիվանդանոցից ոստիկանության բաժին հաղորդում է ստացվել, որ իրենց մոտ է տեղափոխվել գանգուղեղային փակ վնասվածքով, ուղեղի ցնցումով, որովայնի, պարանոցի, ձեռքերի վնասվածքներով, ոտքի քերծվածքներով հիվանդ մի կին: Պարզվեց, որ տուժածը 25-ամյա Էմման է, որին հաջողվել է միայնակ դիմակայել զինված հանցագործներին։
Քննության տվյալներով ՝ նույն օրը, գտնվելով տանը, Էմման ձայներ է լսել բակում։ Դուրս գալով ՝ աղջիկը հայտնաբերել է երկու 30-40 տարեկան տղամարդկանց, որոնք հետաքրքրվում էրն, թե արդյոք տան դիմաց հողը վաճառվում է: Մինչ Էմման պատասխանում էր, հանցագործներից մեկը աղջկա վրա ատրճանակ է պահել եւ պահանջել գումար ՝ արարքը ուղեկցելով անպարկեշտ հայհոյանքներով։
Էմմային հաջողվել է դիմադրություն ցույց տալ կողոպտիչներին, նրանցից մեկից խլել ատրճանակը, իսկ հետո հարձակվողին զենքով հարվածել գլխին:
Երկրորդ անհայտ անձը նետվել է Էմմայի վրա, այն ժամանակ, երբ երրորդ կողոպտիչը վիրավոր հանցակցին հանում էր բակից։ Էմմային հաջողվել է փախչել եւ մտնել տուն, որից հետո կողոպտիչները փախուստի են դիմել: Աղջկա խոսքով ՝ տնից ոչինչ չի կորել, քանի որ հանցագործությունն ավարտին չի հասցվել։
Ոստիկանները փնտրում են կասկածյալներին։
Հայաստանում աղջիկը զինաթափել է կողոպտիչներին եւ ստիպել փախուստի դիմել
