Այսօր Արթուր Ալեքսանյանի ծննդյան օրն է: Գյումրեցի ըմբիշը դարձավ 28 տարեկան:
Արթուրը ծնվել է 1991 թվականի հոկտեմբերի 21-ին Գյումրիում: Նա Օլիմպիական խաղերի, աշխարհի եռակի, Եվրոպայի քառակի չեմպիոն է: Արթուրը ըմբշամարտով սկսել է զբաղվել 2000 թվականին իր հոր՝ Հայաստանի վաստակավոր մարզիչ Գևորգ Ալեքսանյանի գլխավորությամբ:
Արթուրը 2014 և 2015 թվականների Հայաստանի լավագույն մարզիկն է: Արթուր Ալեքսանյանը նաև Գյումրու և Երևանի պատվավոր քաղաքացի է: Նա հետխորհրդային Հայաստանի ամենատիտղոսակիր և ամենաբարձր արդյունքների հասած մարզիկն է:
Ներկայումս Արթուր Ալեքսանյանը շարունակում է ինտենսիվ մարզումները և նախապատրաստվում է Տոկիո-2020 Օլիմպիական խաղերին:
