Չնայած դրսում ձնառատ ու մռայլ եղանակը, որը պարբերաբար փոխվում է, սակայն Արմենի ընտանիքում օրն ամենից երջանիկներից ու հիշվողներից է, քանի որ Արմենն այսօր կատարում է իր կյանքի ամենից կարևոր քայլերից մեկը՝ ամուսնանում է։
Արմենի ամուսնության իրողության ուրախությունը բազմապատկվում է, երբ հայացք են նետում Արմենի անցած ուղուն, նրա հաղթահարած դժվարություններին։ Արմենն իր տարեկիցներից շատերի նման մասնակցել է արցախյան վերջին պատերազմին։
Պատերազմին Արմենը մասնակցել է հերոսաբար՝ առանց երկնչելու։ Թեժ մարտերից մեկի ժամանակ նա ծանր վիրավորում է ստացել, ինչի պատճառով զրկվել է մի թևից։ Այս իրողությունը սակայն նրան չի ստիպել հրաժարվել ապագայի հետ կապված նպատակներից ու երազանքներից։
Արմենն այսօր ընտանիք է կազմում իր սիրելիի հետ։ Հարսանեկան արարողությունն ընթանում է ռեստորանային համալիրներից մեկում։ Արմենի և նորահարսի գեղեցիկ ամուսնական տանգոն ներկայացնող տեսանյութը կարող եք դիտել վարը կցված նյութի մեջ։
