Ցավալի․ «Էս հրեշտակն էսօր լքեց մեզ, հավերժական լույսերի մեջ մնաս․․․»

Արմեն Արմոս Մարտիրոսյանը գրում է․ «Էս հրեշտակն էսօր լքեց մեզ, հավերժական լույսերի մեջ մնաս։ Ամիսներ առաջ բոլորիդ օգնությամբ կարողացանք հավաքել Անուշիկի լյարդի փոխպատվաստման համար անհրաժեշտ գումարը, և երեխան դեկտեմբերին պետք է վիրահատվեր, սակայն դոնորի առողջական խնդիրներով պայմանավորված վիրահատությունը ցավոք հետաձգվեց:

Վերջին շրջանում երեխան արդեն առողջական անկայուն ու ծանր վիճակում էր, բժիշկներն արեցին հնարավոր ու անհնար ամեն ինչ, սակայն երեխային փրկել ցավոք չհաջողվեց: Ցավակցում եմ փոքրիկի հարազատներին, աննկարագրելի մեծ ցավ է:

Հ.Գ. Տարիների փորձառությունը որքան էլ մեծ լինի, երևի երբեք էլ չկարողանամ ամբողջովին համակերպվել այս կորուստների հետ, առողջացած ամեն երեխայի հետ ինչ-որ կենսական մասնիկ ստանում ես, ամեն մահվան ժամանակ՝ տալիս:

Հ.Գ.1 Վիրահատության համար հավաքված գումարը երեխայի ծնողների համաձայնությամբ ու ձեր թույլտվությամբ կուղղենք առողջական ծանր խնդիրներ ունեցող երեխաների համար արժեքավոր որևէ ծրագիր իրականացնելուն՝ ի հիշատակ մեր լուսավոր Անուշիկի»:

Понравилась статья? Поделиться с друзьями:
error: Content is protected !!