Տնային պայմաններում շոկոլադ պատրաստելը շատ դյուրին է, իսկ այն մեկ անգամ փորձելուց հետո դուք կհրաժարվեք խանութից շոկոլադ գնելուց։
Բաղադրիչներ՝
5 ճ/գ կակաո,
50գ․ սերուցքային կարագ,
2 ճ/գ շաքարավազ,
0․5 բաժակ կաթ
Պատրաստման եղանակը։
Կաթը լավ տաքացնել՝ թույլ չտալով, որ եռա։ Առանձին տարայում խառնել շաքարավազն ու կակաոն և լցնել տաքացված կաթի մեջ։ Հետո այդ զանգվածին հավելել հալեցված սերուցքային կարագը։
Եփել խառնուրդը՝ անդադար խառնելով առավելագույնը 2 րոպե։
Տաք շոկոլադը լցնել փոքրիկ տարաներում, սառեցնել և մի քանի ժամ թողնել սառնարանում՝ լավ սառչելու համար։
Երկու ժամ անց տարաներից հանել շոկոլադը։
Եվ աշխարհի ամենահամեղ շոկոլադն արդեն պատրաստ է։ Վայելե՛ք այն մեկ գավաթ դառը սուրճով։ Իսկական կատարելություն։
Բարի ախորժակ։