ՀՀ Վարչապետի տիկինը՝ Աննա Հակոբյանը, ակտիվ է ոչ միայն աշխատանքային գործունեությամբ, այլ նաև սոցտիրույթում։
Տիկին Հակոբյանը ցույց է տալիս, որ բաց է շփման համար և պատրաստ համագործակցության հայրենիքի համար նպատակային գործերում։ Վարչապետի տիկինը, սակայն, հաճախ ենթարկվում է քննադատությունների, որոնց երբմեն նա պատասխանում է և փորձում հասկանալի դարձնել ամեն բան։
Գաղտնիք չէ, որ երկրի ղեկավարի ընտանիքը երբեմն զբոսնում է քաղաքում, գնումներ կատարում և փորձում շփումներ հաստատել քաղաքացիների, հայրենակիցների հետ։ Այս անգամ Աննա Հակոբյանը զբոսանքի ժամանակ զարդ է գտել։ Կարծում ենք այն արժեքավոր զարդ է, քանի որ Վարչապետի տիկինը սոցտիրույթում գրառում է կատարել և տեղեկացրել, որ պատրաստ է վերադարձնել զարդը և առաջարկել է մեկնաբանություններում նկարագրել այն։
Աննա Հակոբյանը մասնավորապես գրել է․ «Վարդանանց փողոցի մոտակայքում՝ մայթի վրա, զարդ ենք գտել։
Տիրոջը խնդրում ենք մեկնաբանություններում նկարագրել այն, որպեսզի կապ հաստատենք և զարդը փոխանցենք իրեն»։
