Հանուն Արցախի, հանուն հայրենիքի ընկած տղաները իրենց մասին պատմություններով և իրենց հիշելով են ապրելու։
Նրանք մեր մեջ են, մեզ հետ, քանի դեռ հիշում ենք, պատմում ու մեծարում նրանց։ Հանուն հայրենիքի ընկած տղաներից մեկն էլ Ժորան է։ Հերոսին այսօր շատ են հիշում և խոսում նրա մասին։
Քննարկումների այս ալիքը բարձրացավ նրա մայրիկի՝ Գայանե Հակոբյանի հետ կապված հայտնի իրադարձություններով պայմանավորված։ Դեռ անցյալ տարի հերոսածին մայրը արցունքն աչքերին պատմում էր հերոս որդու պատմությունը և վիշտն ու անասելի մեծ ցավը խեղդում էր կոկորդը։
Գայանեն հուզվում էր, լաց լինում, սակայն պատմում որդու մասին, թե ինչպես ստացվեց, որ որդին՝ հերոս Ժորան, որոշում կայացրեց ՌԴ-ից վերադառնալ հայրենիք և կանգնել հայրենիքի պաշտպանությանը։ Հերոսի մայրը անչափ հպարտ է, որ նման հայրենասեր որդի ունի, սակայն ամեն բան կտար, որ որդին կողքին մնար, լիներ, ապրեր, արարեր և հայրենիքին կենդանի ծառայեր։
Ժորա Մարտիրոսյանի պատմությանը ծանոթացեք վարը կցված տեսանյութում։
