Դժվարագույն օրեր է ապրում աշխարհը, դժվար է դարձել կյանքի գույները նկատելը, լավատեսությունը պահպանելը գրեթե հերոսություն է համարվում մեր օրերում , լավատես մարդկանց հեշտ է ճանաչել հեռվից հեռու էլ:
Բոլորն են ձգտում ուրախ մարդիկ ունենալ իրենց շրջապատում, ընկերներ ընտրելիս նախապատվությունն ուրախ մարդկանց կողմն է , անհերքելի է այն, որ կյանքն ավելի գունավոր է այդպիսի մարդկանցով:
Սակայն միայն մարդիկ չեն , որ կարող են մեզ ուրախացնել, սիրելի զբաղմունքը կամ ինչ-որ դրական ու զգացմունքային երևույթ ևս կարող է ներքին աշխարհդ փոխել:
Այն , թե ինչ է պետք քեզ ուրախանալու համար, մի շարք գործոններով է պայմանավորված. տարբեր են երջանկության բանաձևերը, բայց բոլորի ցանկությունը մեկն է ՝ այդ բանաձևում միշտ հավասարություն պահել:
Ստորև ներկայացված լուսանկարները սիրողական բնույթի լուսանկարներ են, յուրաքնչյուրը տարբեր իրավիճակում հավերժացված:
Մասնագետները ցուցում են հատկապես անցումային և սթրեսաշատ ժամանակաշրջանում ավելի շատ ուրախ ու լավատեսություն սփռող լուսանկարներ դիտել,թերթել մանկության և պատանեկության ալբոմները, մտովի լավագույն պահերը մտաբերել, ապրեցնել այդ օրերը:
