Խաչապուրի շատերն են նախընտրում։ Վրացական խոհանոցի այդ հայտնի ուտեստը շատերի սիրելին է դարձել։ Այժմ փորձենք պարզ բաղադրատոմսով և արագ խաչապուրի պատրաստել։
Բաղադրիչներ՝
Կեֆիր՝ 1 բաժակ,
Սոդա՝ 0․5 թ/գ (քացախով),
Աղ՝ 0․5 թ/գ,
Շաքարավազ՝ 0․5 թ/գ,
Ալյուր՝ 3 բաժակ,
Կաթնաշոռ՝ 200գ․,
Կոշտ պանիր՝ 120-150 գ․,
3 պճեղ սխտոր,
Ռաֆինացված յուղ՝ 0․5 բաժակ։
Խմորի համար վերցնել 2․5 բաժակ ալյուր, շուրջ կես բաժակ՝ սեղանին շաղ տալու համար։
Խմորը պատրաստում են կեֆիրին աղ, շաքարավազ և քացախով սոդա հավելելով, ինչպես նաև այդ խառնուրդը հարելով։
Քիչ-քիչ ավելացնել ալյուրը և հարել՝ մինչ կոշտ զանգված ստացվի։
Այն դնել ալյուրոտ սեղանին, շաղել ալյուրով, 15-20 րոպե թողնել հանգստանալ։
Միջուկի համար պետք է վերցնել ցանկացած կարծր պանիր, անցկացնել մանր քերիչով։ Հավելել կաթնաշոռ, մի պտղունց աղ, 2 պճեղ սխտոր։ Միջուկը խառնել։ Մի քանի րոպե անց կտեսնեք պինդ և հոտավետ զանգված։
Միջուկը 4 մասի բաժանել։ Յուրաքանչյուր հատվածը բարակ գրտնակել՝ շուրջ 5 մմ։ Կարելի է պատրաստել սովորական կարկանդակի կամ չեբուրեկիի տեսքով։ Խմորի ծայրին դնել միջուկը և զգուշորեն ցրել։
Ծածկել խմորը, ուշադրություն դարձնել ծայրերին։
Տապակայի մեջ լցնել յուղը և եփել մինչև խաչապուրին դառնա վարդագույն։
Շրջել ուտեստը և եփել մյուս հատվածը։
Խաչապուրիները պատրաստ են, հյուրաիրվե՛ք։