Քանի որ այս շրջանը պահքային է, սիրով ներկայացնում ենք հերթական պահքային աղցան։ Այն օգակար է, հագեցած սպիտակուցներով և այնպիսի վիտամիններով, որոնք խիստ անհրաժեշտ են Պահքի մեջ գտնվող անձանց համար։ Այն անվանում են՝ Ոսպով աղցան։ Կարծում ենք ավելորդ կլինի ոսպի օգտակարության մասին խոսել․ այն բոլորին է հայտնի։ Ոսպով աղցանը հարուստ է սպիտակուցներով և բջջանյութով։
Աղցանի պատրաստման համար առաջարկում ենք նախապատրաստել հետևյալ մթերքները՝
100 գ կանաչ ոսպ
1 գազար
Կես կապ կանաչ սոխ
Կես կապ համեմ
1 պճեղ սխտոր
Կիտրոնի հյութ
3 ճ/գ բուսայուղ
Աղ, սև և կարմիր պղպեղ
Ոսպը 2-3 ժամ թրջել սառը ջրով, քամել, լցնել մաքուր սառը ջուր և եփել։
Ավելացնել մյուս բաղադրիչները, միախառնել և մեր համեղ աղցանը պատրաստ է, կարող եք վայելել։
Նշենք, որ աղցանի բաղադրատոմսը պատկանում է Տաթևիկ Թորոսյանին։