Մայիսի քսաներեքին Երևանի ավագանու հերթական նիստի ընթացքում մի շարք հարցեր են քննարկվել։
Օրակարգում ներառված է եղել երաժիշտներից մեկին բնակարան նվիրելու հարցը։ Եվ այսպես, քննարկվել է բնակարան նվիրել Ֆորշին։
Քանի որ երգիչը Երևանի կոլորիտային դեմքերից մեկն է, պատշաճ և լիովին արդարացված են համարել նրան բնակարան նվիրել՝ հատկապես, երբ վերջինս վարձակալության հիմունքներով է բնակվում։ Նիստի մասնակիցներից ոչ բոլորն են ողջունել այս գաղափարը և նույնիսկ հնչել է կարծիք այն մասին, որ երգչին արդեն բնակարան նվիրել են, սակայն պարզվել է, որ երգիչը պետության կողմից երբեք բնակարան չի ստացել։
Ավագանու անդամներից մեկն էլ նշել է՝ նրա մասնագիտութունը թույլ է տալիս, որպեսզի վերջինս ֆինանսական բարդ վիճակում չգտնվի և կարողանա իր համար բնակարան գնել, ինչպես անում են մյուս բոլոր երաժիշտները։
Այնուամենայնիվ , որոշումն ընդունվել է քառասուներկու կողմ, երկու դեմ և յոթ ձեռնպահ ձայներով։ Երգչին քաղաքային իշխանությունը անհատույց նվիրել է բնակարան։ Մանրամասները՝ տեսանյութում։
