«Շնորհակալ եմ Ռոբետ Քոչարյանին՝ 15 տարի առաջ այս օրը…» Արման Բաբաջանյանի ուշագրավ գրառումը

Անկախ պատգամավոր Ա. Բաբաջանյանն ուշագրավ հրապարակում է արել՝ շնորհակալություն հայտնելով Ռ. Քոչարյանին: Պատգամավորի շնորհակալության առիթը, որքան էլ զարմանալի է, սեփական ազատազրկման փաստն է:

Պատգամավորը գրել է, որ տասնհինգ տարի առաջ հենց այս օրը Ռ. Քոչարյանը նրան երեք ու կես տարով ազատազրկեց: Նրա ազատության համար սկսվեց հանրային պայքար, կազմակերպվեցին ակտիվիստական ցույցեր:

Ա. Բաբաջանյանը նշել է, որ անազատության երեք ու կես տարվա բոլոր օրերին նա մշտապես մտածել է անմնացորդ պայքարի, պատվախնդրորեն ապրելու, երկրի բարօրության, երկիրը Ռ. Քոչարյանի ու Ս. Սարգսյանի և նրանց սպասարկող քրեաօլիգարխիայի դեմ պայքարելու մասին:

Պատգամավորը նաև ասել է, որ հիմա էլ է այդ խնդիրն իր համար օրհասական ու ամենօրյա մտածմունքի թեմա՝ դառնալով քաղաքական իր օրակարգի հիմնական ուղեկիցը:

Պատգամավորը գրառումը եզրափակել է իր ազատության համար պայքարած հայաստանաբնակ և արտասահմանաբնակ անձանց խորին շնորհակալություն հայտնելով ու լուսանկարներ կցելով:

Հրապարակումն ամբողջությամբ բերված է ստորև:

Понравилась статья? Поделиться с друзьями:
error: Content is protected !!