Օրերը կարճացել են և մարդիկ ավելի շատ ցանկանում են տանը լինել։ Իսկ տանն ավելի հետաքրքիր կլինի, երբ ընկերական, ընտանեկան հաճելի հավաքույթ կազմակերպեք։
Ցուրտ եղանակը ջերմացրեք թեյախմությամբ և աներևակայելի համեղ տորթով։ Այն բավականին հեշտ է պատրաստելը, ստացվում է նույնիսկ սկսնակների մոտ և ոչ մի բարդություն չի առաջանում։
Անհրաժեշտ է՝
Խմոր
Հավկիթ — 5 հ․
Շաքարավազ — 200 գ
Մեղր — 100 գ
Բուսայուղ — 100 գ
Սոդա — 1 թ․գ․
Ալյուր — 300 գ
Կակաո — 3 ճ․գ․
Կրեմ
Խտացրած կաթ — 1 բանկա
Սերուցք — 250 մլ
Կաթնաշոռային պանիր — 250 գ
Վանիլ՝ ըստ ճաշակի
Եվ այսպես, ձուն շաքարավազի հետ հարել, հավելել մեղրը, բուսայուղը, սոդան, ապա ալյուրը կակաոյի հետ մաղել հարած զանգվածի վրա։
Ստացված խմորը հավասարապես քսել յուղաթղթի վրա և թխել ջեռոցում։ Մինչ այդ պատրաստեք կրեմը։ Նախատեսված բաղադրիչները հարեք միասին և քսեք հովացած շերտերին, միացրեք միմյանց։ Կարելի է զարդարել ընդեղենով և հալած շոկոլադով։