Սուրճի համար իդեալական աղանդեր ենք բերել, որի համն ուղղակի կհիացնի բոլորին և կդառնա բոլոր անդամների սիրելին , իսկ պատրաստման պրոցեսից հաճույք կստանաք։ Այն պատրաստման դյուրին ընթացք ունի է և մատուցվում է պաղպաղակով, որը գեղեցկացնում է աղանդերը և հաղորդում իդեալական համ։
Պատրաստեք հետևյալը՝
Խմորի համար՝
Ալյուր — 2,5 բաժ․
Շաքարավազ — 1/2 ճ.գ.
Աղ -1/2 թ.գ.
Կարագ սառը, փոքր խորանարդիկների վերածած — 225 գ
Սառույցով ջուր — 6֊7 ճ.գ.
Միջուկի համար՝
Բալ — 6 բաժ․
Կիտրոնի հյութ — 1 ճ.գ.
Շաքարավազ — 3/4 բաժ․
Եգիպտացորենի օսլա — 5 ճ.գ.
Դարչին — 1/2 թ.գ.
Կարագ — 1 ճ.գ.՝ կտրատած
Վրան քսելու համար 1 հավկիթ
Կաթ կամ ջուր — 1 ճ.գ.
Խոշոր շաքարավազ — 1 ճ.գ.
Խմորի համար նախատեսված բոլոր բաղադրամասերը միախառնել և ստանալ խմոր, որը փշրվող է ստացվում, բաժանել 2 մասի, գնդել և ծածկել սննդային թաղանթով, դնել սառնարանում 1 ժ։
Իսկ միջուկի պատրաստման համար կորիզները հեռացրած բալին միացնել օսլան, կիտրոնը, շաքարավազը, դարչինը, ապա միախառնել։ Խմորի 1-ին մասը գրտնակել, փռել տարայի մեջ, լցնել բալից ստացված միջուկը, վրան շարել կարագ։ Գրտնակել մյուս մասը, կտրել զոլեր և այսպես ասած՝ գործել բալի վրա։
Կցված լուսանկարներն այդ հարցում կարող են օգտակար լինել։ Թողնել 30 ր։ Վրան քսել հավկիթը կաթով հարած, և շաքարավազ շաղ տալ։ Թխել ջեռոցում 210°֊ում 25 ր, ապա շարունակել թխել մինչև 175°-ում, ջեռոցի հատակին փայլաթիթեղ փռեք, եփեք ևս 30֊35 ր։