Մոշով կարելի է շատ համեղ ուտեստներ պատրաստել։ Օրինակ՝ եթե կաթնաշոռե թխվածքաճաշին մոշ հավելեք, հիանալի, օգտակար ու համեղ նախաճաշ կարող է ստացվել։ Այն կարող եք մատուցել բնական յոգուրտով, մեղրով կամ ջեմով։ Պատրաստելու համար ձեզ 1 ժամ հարկավոր կլինի։
Բաղադրիչներ՝
400գ․ կաթնաշոռ,
1․5 ճ/գ սերուցքային կարագ,
2 ճ/գ մանի կրուպա,
1 հավկիթ,
300 գ․մոշ,
2 ճ/գ շագանակագույն շաքարավազ։
Կանթաշոռն անցկացնել մաղով, հավելել 1 ճ/գ սերուցքային կարագ, հավկիթ, մանի կրուպա և շաքարավազ։ Հարել հարիչով՝ մինչև միատարր զանգված ստացվելը և երկու մասի բաժանել։
Մնացյալ կարագը քսել պատրաստման համար նախատեսված տարային և լցնել կաթնաշոռե զանգվածի կեսը։ Հատապտուղների մեկ երրորդը պահել զարդարելու համար, իսկ մյուս մասը հավելել կաթնաշոռին։ Վերին շերտին լցնել մնացյալ կաթնաշոռը։
Ջեռոցը տաքացնել 180 աստիճան ջերմաստիճանով։ Թխվածքաճաշին լցնել շագանակայուն շաքարավազ և 30-35 րոպե թողնել ջեռոցում։
Մատուցելուց առաջ զարդարել թարմ մոշերով։