Հաճախ ենք խոսում, մատնանշում բժիշկների սխրագործությունների մասին: Նրանք միայնակ դուրս են եկել պայքարի ՝ մահվան դեմ, անում են անհնարինը ամենասուղ միջոցներով:
Եվ ահա մեր սխրագործ բժիշկներից մեկը մարդու սիրտը խոցելու նկարագրությամբ պատմում է մի տխուր իրողություն այն մասին, թե ինչպես են բժիշկները վաղ առավոտյան 58-ամյա կնոջ կյանքը փրկում: Կոնջ մոտ շնչահեղձություն է սկսում, իսկ բժիշկներին ուրիշ ճանապարհ չի մնում. նրանք ստիպված են լինում հիվանդի պատգարակը մի մասնաշենքից մյուսը տեղափոխել ձեռքով:
Օդը գնալով պակասում էր կնոջ թոքերում, իսկ բժիշկները չէին հանձնվում պայքարում: Բժիշկը նշում է , որ պատգարակը ծանր էր, սակայն նրանք ուխտել էին չհանձնվել: Եվ ահա հիվանդին հասցնում են բաժանմունքի սանդուղքի վերջին աստիճանին և ինչպես հերոս բժիկն է նշում, իրենց հաջողվեց լույսին հասնել:
Բժշկուհու նկարագրությունն ընդամենը մի պատմություն է այն հազարներից , որոնք պատահում են մեր բժիշկների հետ: Մեզ խնդրում են տանից դուրս չգալ, մենք տրտնջում ենք, մինչդեռ հարյուրավոր բժիշկներ տունդարձի ճամփան մոռացել են:
