Ձեր ուշադրությանն ենք ներկայացնում հավի մսով պատրաստված նրբահամ կոտլետներ։ Դրանցով դուք կնվաճեք բոլորի սիրտը։
Բաղադրիչներ (6 չափաբաժնի համար)՝
6 հավի կրծքամիս՝ առանց կաշվի և ոսկորների,
1 հավկիթ,
աղ, պղպեղ,
սպիտակ գլուխ սոխ,
արևածաղկի բուսական յուղ։
Այս բաղադրատոմսում կարևորը հավի կրծքամիսը ճիշտ նախապատրաստելն է։ Այն պետք է լվանալ, մաքրել, չորացնել, իսկ հետո փոքրիկ մասերի բաժանել։ Հետո այն տեղադրել տարայում, աղ և պղպղեղ հավելել։ Խառնել։
Մսին ավելացնել նաև մանր կտրատված սոխն ու խառնել։ Հավելել նաև հավկիթ․ կրկին խառնել։
Ստացված զանգվածից փոքրիկ կոտլետներ պատրաստել։ Ձևավորելիս միսը հարկավոր է ամուր սեղմել, որպեսզի եփվելիս չառանձնանա։
Տապական դնել ուժեղ կրակին և լավ տաքացնել։ Կոտլետները տապակել երկու կողմից՝ մինչև թույլ կարմիր կդառնան։
Բարձրացնել կրակը և տապակել մինչև պատրաստ լինելը։
Պատրաստի կոտլետները դնել անձեռոցիկին՝ ավելորդ յուղից ազատվելու համար։
