Երկիրը տիրող հիվանդությունը նոր թափ է հավաքել և սպիտակ բանակը շարունակում է համառ պայքարը։ Բայց հիվանդությունը շարունակում է տարածվել ու, ցավոք սրտի, կյանքեր խլել։
Ամբողջ աշխարհի բժիշկները այս հիվանդության դեմ առկա միակ զենքը համարում են պատվաստումը և հորդորում մարդկանց պատվաստվել և կտրել համաճարակի կայծակնային արագությամբ տարածվող շղթան։
Առաջատար մասնագետները պնդում են, որ երկրագնդի 70-80 տոկոս մարդկության պատվաստման արդյունքում կարող ենք համարել, որ անողոք հիվանդությունը հաղթահարված է։ Հայաստանում այսօր գրանցվել է մահվան ամենաշատ դեպքերը։
Օր օրի աճող թվերը մեծ անհանգստություն են առաջ բերում և ցույց տալիս, որ համաճարակային պատերազմը դեռ չի ավարտվել։ Այսօր Հայաստանում գրանցվել է 1517 կորոնավիրուսային հիվանդության նոր դեպք և մահվան 57 դեպք։ Մահացության այսքան շատ դեպք դեռ չէր գրանցվել։
Օր օրի մեծացող այս թվերը պետք է սթափեցնեն հանրությանը և վերջապես մղեն պատվաստման որոշում կայացնելուն և պայքարի նոր փուլ թևակոխելուն։
