Ահա և համեղ թխվածքի ամենադյուրին բաղադրատոմսերից մեկը։ Ոչինչ եփել, հարել կամ եռացնել հարկավոր չէ։ Համով այն նմանվում է բանանով բիսկվիթի։ Անպայման պատրաստեք՝ համեղ է, բյուջետային և շատ դյուրին։
Բաղադրիչներ՝
500գ․ մեղրաբլիթ,
4 հասած բանան,
500 գ․ թթվասեր՝ 20 տոկոս և բարձր յուղայնությամբ։
Շուրջ 7 մմ բարակությամբ մեղրաբլիթներն օղակաձև կտրատել, իսկ դրանց մնացորդները փշրել։ Բարակ և օղակաձև կտրատել նաև մաքրած բանանները։
Տարայի մեջ դնում ենք ստվարաթուղթ։ Դնում ենք կտրատված մեղրաբլիթների շերտը՝ դրանց վրա թթվասեր լցնելով։ Թթվասերի վրա դնել կտրատված բանանների շերտը։
Բանաններին կրկին դնել մեղրաբլիթների շերտը և կրկին թթվասեր լցնել։ Շերտերը շարունակել այդպիսի հերթականությամբ՝ մինչև բոլոր բաղադրիչները չվերջանան։ Վերջին շերտը պետք է լինեն թթվասերով պատված մեղրաբլիթները։
Տարան ծածկել ժապավենով և 8 ժամ թողնել սառնարանում։ 8 ժամ անց սառնարանից վերցնել, տարային դնել մատուցելու համար նախատեսված սպասքը և շրջել՝ ստորին շերտը պետք է լինի վերևում։ Դրան թթվասեր և մեղրաբլիթների փշուրներ հավելել։
Թխվածքը կարող եք զարդարել ըստ ճաշակի։