Վրացական խոհանոցի ամենահայտնի ուտեստներից մեկը խաչապուրին է։ Պանրով այս բլիթները դուր են գալիս շատերին։ Ի սկզբանե առաջին խաչապուրիների բաղադրատոմսը եղել է պանրով, սակայն հետագայում այն սկսել են պատրաստել զանազան միջուկներով, որոնք համային առումով չեն զիջում պանրային տեսականուն։
Սակայն, այնուամենայնիվ, նախապատվությունը տրվում է պանրով խաչապուրիներին։ Եթե ցանկանում եք տնային պայմաններում ստանալ վրացական խաչապուրու իրական համը, ապա այս բաղադրատոմսը ձեզ համար է։ Այն չափազանց հեշտ է պատրաստվում և արագ։
Ձեզ անհրաժեշտ կլինի՝
Հավկիթ — 1 հ․
Աղ — 1 թ․գ․
Կաթ — 200 մլ
Ալյուր — 160 գ
Փխրեցուցիչ — 1 թ․գ․
Պանիր — 300 գ
Կաթը, ալյուրը, հավկիթը, աղը և փխրեցուցիչը միախառնել և ստանալ թթվասերի պնդության խմոր, ավելացնել քերած պանիրը, լավ խառնել և պատրաստել տաքացված, չկպչող թավայում՝ երկու կողմից կարմրացնելով։
Երբ պատրաստ կլինի, վրան քսել կարագ և վերջ, կարելի է մատուցել։ Կարող եք համտեսել թե՛ նախաճաշին և թե՛ երեկոյան մեկ բաժակ թեյի հետ։
