Այսօր կարճ զրույց ենք ունեցել դերասանուհի՝ Փառանձեմ Սահակյանի հետ,ով իր առաջին,բայց վստահ քայլերն է անում հայկական շոու-բիզնեսում։
-«Թղթե երազանքը» սիրվեց մեծ ճանաչում ունեցավ։ Ձեր կարծիքով,ինչո՞վ էր դա պայմանավորված։
-Կարծում եմ սերիալը որակյալ էր,որովհետև աշխատել էր պրոֆեսիոնալ թիմ։ Սցենարիստ ՝ Անի Մաղաքյանը և ռեժիսոր ՝ Գարի Զաքարյանը, կարողացան ստեղծել մի պատմություն,որը մադկային էր և ծնված էր մեր իրականությունից։ Ինձ համար շատ հուզիչ էր նկարահանվել մի սերիալում,որտեղ գլխավոր հերոսը իմ քաղաքն է ՝ իմ Գյումրին։ Պատմությունը անկեղծ էր,և կարծում եմ դա էր մեր հաջողության գաղտնիքը։
-Աննայի երազանքները սահմանափակվում էին մեկ անձի շուրջ ,իսկ Փառանձեմի՞նը։
-Կարծում եմ լիարժեք կյանք ունենալու համար,պետք է և անձնական երջանկություն, և ինչու չէ նաև գործնական։ Աննան իր երջանկությունը միայն տեսնում էր մեկ մարդու մեջ և հենց դա էր պատճառը,որ նա երբեմն մոռանում էր իր անձնական ցանկությունների մասին։ Ես,իհարկե ուրախ եմ,որ Աննայի կերպարը սիրվեց և ընդունվեց հեռուստադիտողի կողմից,սակայն հույս ունեմ,որ մարդիկ նաև ընկալեցին կերպարի ուղարկած մեսիջը՝ որ չի կարելի կորցնել սեփական եսը։
-Ե՞րբ կլինի երկրորդ եթերաշրջանը և արդյոք Դուք ընդգրկված եք։
-Հստակ տեղեկություն չունեմ,գիտեմ,որ ընդգրկված եմ նախագծի երկրորդ եթերաշրջանում,բայց երբ կսկսեն նկարահանումները՝ չգիտեմ։
-Ունե՞ք ձեռք բերած ընկերներ սերալից։
-Ունեմ ընկերներ,որոնց հետ ծանոթ էի մինչ նախագիծը,բայց իհարկե ձեռք բերեցի նորերին,ի դեմս՝ Մարիամ Ադամյանի,որի հետ ունենք հրաշալի հարաբերություններ։
-Հաճախ ֆիլմերի հերոսներին վերագրում են սիրավեպեր։ Ձեր դեպքում նման բան եղա՞վ։
-Շատ ուրախ եմ,որ իմ անվան հետ կապված քննարկումներ չեղան,իսկ Արսենի հետ մենք ևս շատ լավ ընկերներ ենք։
-Շնորհակալություն Փառանձեմ, մաղթում ենք Ձեզ ստեղծագործական հաջողություններ։
