Հազվադեպ կարող է պատահել մի մարդ, որ չսիրի աղցան։ Գարնան և ամռան ամիսներին դրանք հիանալի թեթև սնունդ են, որոնք օրգանիզմը հարստացնում են վիտամիններով և անհրաժեշտ պաշարներով։ Առաջարկում ենք անհավանական համային հատկանիշներով օժտված աղցան, որը կպատրաստեք շատ կարճ ժամանակահատվածում և մի քանի բաղադրիչներով։
Անհրաժեշտ է՝
Բրոկոլի — 250 գ
Լոլիկ — 2 հ․
Հավի միս — 250 գ
Սոյայի սոուս — 2 ճ․գ․
Ձիթայուղ — 50 մլ
Մանանեխ հատիկավոր — 1 ճ․գ․
Կիտրոնի հյութ — 1 ճ․գ․
Աղ՝ ըստ ճաշակի
Առաջին հերթին առաջարկում ենք պատրաստել սոուսը։ Դրա համար անհրաժեշտ կլինի սոյայի սոուսը, կիտրոնի հյութը, մանանեխը, ձիթայուղը և աղը միախառնել և դնել մի կողմ։
Հավի միսը (առաջարկում ենք վերցնել ազդրի միսը, քանի որ այն ավելի հյութեղ է)։ Հավի միսը կտրարտել և տապակել բուսայուղի մեջ, լոլիկը կտրատել երկարությամբ, բրոկոլին մանրացնել և խաշել երկու րոպե։
Այս ամենը միախառնել և ցողել սոուսով։ Մատուցելիս կարելի է զարդարել հազարի տերևներով։ Հավաստիացնում ենք՝ այն ստացվում է անչափ համեղ և գեղեցիկ ու ամառային հրաշալի գույներով։