Տաթևիկ Թորոսյանը էկլերի հրաշք բաղադրատոմս է ներկայացնում, որը կկարողանա պատրաստել ցանկացած սկսնակ, եթե, իհարկե կհետևի կանոնների ճիշտ հերթականությանը։ Այս անուշաբույր, անչափ համեղ էկլերները այդպես էլ կարող եք կոչել՝ Էկլեր, որը կարող են թխել ԲՈԼՈՐԸ։
Նախապատրաստեք հետևյալը՝
⠀
100 մլ ջուր
1 սուրճի բաժակ ձեթ
1 պտղունց աղ
120 գ ալյուր
3 հավկիթ
⠀
Ջուրը եռացնելուց հետո ավելացնել բուսայուղը, աղը և ալյուրը: Ստացվածը 3-4 ր թույլ կրակի վրա տրորելով խառնել։ Խմորը դատարկել այլ տարայի մեջ, որտեղ որ հարիչով հարելու եք, սպասել 2 ր հովանա, և մեկ առ մեկ ավելացնել ձվերը: Սառը տապակի վրա, իրարից հեռու դնել խմորը (օգտագործեք կրեմի տոպրակ)։
Տեղափոխել 170 աստիճան տաքացած ջեռոց, թխել 30 ր, հետո 10-15 ր 180 աստիճանով: Ջեռոցն ամբողջ ընթացքում բացել չի թույլատրվում:
Թխվելուց հետո էկլերները 15 ր թողնել ջեռոցում, ապա դուրս բերել: Սառելուց հետո լցոնել կրեմով (ինչպիսի կրեմ կցանկանաք՝ ըստ ճաշակի), ձևավորել շաքարի փոշով կամ ջնարակով՝ ըստ ճաշակի:
