Զորամասի ճաշարանի աշխատակցի մոտ կորոնավիրուս է հայտնաբերվել․ Օհանյանը մանրամասնում է

Զինուժի ռազմաբժշկական վարչության պետ Սահակ Օհանյանը մանրամասնել է զորամասի ճաշարաններից մեկի աշխատակիցները մեկուսացվել են՝ կորոնավիրուսյան ախտով վարակված լինելու պատճառով։

Օհանյանը հաստատել է դա՝ տեղեկացնելով՝ հիվանդն աութսորսինգ իրականացնող կազմակերպություններից մեկի աշխատակից է՝ աման լվացող է։ Նա շատ արագ տեղեկացրել է իր գործատուին, նրան հրահանգ է տրվել զորամաս չգալ, իսկ սնունդ մատակարարողներն արագ մեկուսացվել են։ Հիմա կազմակերպությունը հետևում է իր աշխատակիցների առողջական վիճակին, և, եթե պետք լինի, նրանք կթեստավորվեն։

Օհանյանը շեշտել է՝ վարակված անձն առնչություն չի ունեցել զինվորների հետ, չի մասնակցել սննդի բաժանմանը և պատրաստմանը, իր գործառույթը եղել է զուտ աման լվանալը։

Հիանալի է, որ բանակում վիճակը կայուն է և ամեն ինչ կազմակերպված է՝ հիվանդությունը բանակային համակարգում չտարածելու նպատակով ու դա ստացվում է՝ ճիշտ ու հրատապ աշխատանքի ու ժամակին համաճարակային վտանգը կանխելու շնորհիվ։

Понравилась статья? Поделиться с друзьями:
error: Content is protected !!