Երգչուհի Լուսինե Գրիգորյանը նոր երգով է հանդես եկել, որի խոսքերի և երաժշտության հեղիանկը հենց ինքն է : Երգչուհին երգը նվիրել է մեր բոլոր հայրենակիցներին :
Հրաշք հայրենասիրական երգի թողարկումն այս օրերին նույնպես շատ կարևոր է :Այն համախմբվելու կոչ է , հայրենադարձության ու հայրենիքը չլքելու պատգամ, թեպետ ուր էլ լինենք Սիս, Մասիս ու Արարատ անունները միշտ մեր հոգում կպահենք , կարոտով կհիշենք:
Երգը քաջերին ուղղված կենաց է , հայի ու Հայաստանի հավերժության խոսք, քանի որ ինչպես երգում է ասվում ՝ Տերն է մեր ազգի պահապանը: Երգչուհին շատ հեղինակային երգեր ունի, որոնք բոլորն էլ սիրված են հանրության կողմից: Հատկապես հայտնի են երգչուհու «Իմ աղջիկ», « Այսօր ու հավիտյան», «Անունդ սեր է» ստեղծագործությունները:
Այս օրերին ոչ բոլոր արվեստագետներին է հաջողվում ստեղծագործել կամ իրենց ստեղծագործությունները հանրության դատին հանձնել, ուստի արվեստագետներից ոմանք համացանցային եթերների եղանակով են կապ հաստատտում իրենց համակիրների ու հանդիսատեսի հետ: Հուսանք ,որ շատ շուտով մենք բոլորս նորից համերգային , թատերական ու կինոդահլիճներ գնալու հնարավորություն կունենանք:
