Հեռուստադիտողին հայտնի սցենարիստ, պրոդյուսեր Դիանա Գրիգորյանն իր ֆեյսբուքյան էջում շնորհավորական խոսք է գրել՝ ուղղված մայրիկին՝ ծննդյան օրվա առթիվ:
Լուսանկարին կից Դիանան գրել է.
«Տարիներն անցնում են և յուրաքանչյուր անցնող տարվա հետ հասկանում ես պարզ մի բան. Երջանկությունը դա քո ներքին ներդաշնակությունն է, երջանկությունը դա ինքնաբավ լինելն է, երջանկությունը դա բարությունն է, երջանկությունը դա մթության մեջ լույս տեսնել կարողանալն է, իսկ ով է այդ ամենը սերմանում քո մեջ, ով է այն մարդը, ով ծնված օրվանից ձեռքդ բռնած ցույց է տալիս քեզ ճիշտ ուղին, սովորեցնում է ներել, սովորեցնում է բավարարվել, աչքդ միշտ կուշտ պահում, սովորեցնում աշխատել ճիշտ ու արդար և ապրել այս կյանքը մաքուր ու բարոյական, սովորեցնում ոչ ոքի չփնովել, իսկ փնովողներին միայն բարությամբ պատասխանել, Ով է այդ մարդը…. Մայրը….
Մամ էս ամենը դու ինձ սովորեցնում ես դեռ , շնորհավոր քո օրը, քո ծնունդը, իմ օրը, մեր ընտանիքի օրը, մամ Աստծուց հայցում եմ, որ առողջ լինես ու դեռ շատ, շատ երկար տարիներ ինձ սովորեցնես, որովհետև էս անսպասելի կյանքում մենք բոլորս աշակերտ ենք մնում :
Հ. Գ. լինել մայր, ունենալ մայր և միևնույն ժամանակ մնալ մանուկ… բնութագրեցի ինքս ինձ, իսկ իմ մանուկ մնալու միակ մեղավորը դու ես Մամ… շնորհակալ եմ քեզ»:
