Նեապոլի ափերից ոչ հեռու փոքրիկ դելֆինը հայտնվել է ձկնորսական ցանցում։ Բարեբախտաբար, ձկնորսները ժամանակին նկատել են փոքրիկին եւ որոշել ազատ արձակել նրան։
Փրկարարական գործողությունը տեսագրել են ականատեսները։ Տեսագրության մեջ երեւում է, թե ինչպես են ձկնորսները փորձում քանդել ցանցը: Որոշ ժամանակ անց նրանց դա հաջողվել է, եւ դելֆինը լողալով հեռացել է ՝ ուրախությամբ դուրս նետվելով ջրից։ Պարզվել է, որ կողքին եղել է այդ կենդանու մայրը։ Նա շատ ուրախ էր ձագին փրկելու համար և ձկնորսներին շնորհակալություն հայտնեց մի քանի նրբաճաշակ ցատկերով։
Նման ներկայացումը հիացմունք է առաջացրել մոտակայքում հայտնված բոլոր մարդկանց մոտ։ Ձկնորսները ծափահարություններով են պատասխանել դելֆինին, ինչից հետո երջանիկ ընտանիքը թաքնվել է տեսադաշտից։
