ԱԺ պատգամավոր Քրիստինե Պողոսյանը սոցցանցային հարթակում պատմել է վերջերս տեղի ունեցած մի հետաքրքիր պատմություն: Իմքայլական պատգամավորը գրառում է արել որտեղ ներկայացրել է, թե ինչպես է օրեր առաջ ամբիոնից քննադատել Գևորգ Պետրոսյանին դիմակ չդնելու համար:
Քննադատության ավարտին նա հորդորով դիմել է նրա կուսակիցներին՝ պահանջելով կարգի հրավիրել իրենց ընկերոջը: Դրանից հետո նրա հետ զրուցելու ցանկություն է հայտնել Արման Աբովյանը:
Նա Գ. Ծառուկյանի անունից հայտնել է, որ Գ. Պետրոսյանի այդօրինակ պահվածքն իրենց համար էլ է անընդունելի: Նույնիսկ ասել է, որ Գ. Ծառուկյանը նրա հասցեին ամենավերջին հայհոյանքներն է հնչեցնում:
Պատմելով սույն միջադեպը՝ Ք. Պողոսյանը հարց է ուղղում Գ. Պետրոսյանին, թե արդյոք նա գիտի՞ այդ մասին:
Սույն գրառումից ժամեր անց Ք. Պողոսյանը նոր գրառում է արել՝ հայտնելով, որ Ա. Աբովյանն իրենց արգելափակել է իր ընկերների շարքից, ինչի առիթով էլ գրառման հեղինակը ամոթանք է տվել Ա. Աբովյանին:
