Այսօր խոսել ենք երգչուհի՝ Արուսիկ Պետրոսյանի և ռեժիսոր՝ Հովհաննես Ղազարյանի հետ։
-Արուսիկ,Դուք հայտնի եք Ձեր cover-ներով։ Ինչպե՞ս որոշեցիք ունենալ սեփական երգ և տեսահոլովակ։
Բարև Ձեզ : Նախ ուզում եմ շնորհակալություն հայտնել հարցազրույցի համար։
Ասեմ, որ սա իմ երազանքներից մեկն էր ունենալ սեփական երգ , շատ պատահական ստացվեց ամեն ինչ
Ծնվեց երաժշտությունը,հեղինակը՝Գուրո Գասպարյանն է,բառերի հեղինակը՝Սենչը։ Դե ի՞նչ էր մնում , մտածել տեսահոլովակի մասին :
-Ինչու՞ որոշեցիք համագործակցել ռեժիսոր Հովհաննես Ղազարյանի և իր թիմի ՝ Freedom company-հետ։
Fredoom Company -ի հետ համագործակցությունը եղել է Ամին Ավագյանի շնորհիվ ,որի համար շատ շնորհակալ եմ :
Տեսահոլովակը նկարահանել ենք մեկ օրում ,ամեն ինչ հրաշալի էր : Իհարկե հոգնածություն կար, բայց այնքան հետաքրքիր ու ուրախ էին անցնում նկարահանումմերը կադրից դուրս, որ չէինք էլ նկատում այն: Շատ շնորհակալ եմ նաև Fredoom Company-ին լավ աշխատանքի համար ,ինչու չէ նաև պոզիտիվության համար:
Համոզված եմ մեր համագործակցությունը այսքանով չի սահմանապակվի :
-Հովհաննես,ինչպե՞ս ծնվեց տեսահոլովակի գաղափարը։
-Ի սկզբանե Արուսիկը ցանկանում էր տեսահոլովակ,որում ինքը ներկա չէր լինի,սակայն իմ առաջարկով,որոշեցինք երգչուհուն ևս նկարահանել և լուծում գտանք կապել երգչուհուն ընդհանուր սյուժեի հետ։
-Արուսիկ,ի՞նչ երաժշտական անակնկալներ եք նախապատրաստել Ձեր հանդիսատեսի համար առաջիկայում։
Նոր երգեր լինելու են անպայման : Ներկա պահին աշխատում ենք նոր երգի վրա : Հետագայի համար արդեն ժամանակը ցույց կտա …)
-Հովհաննես,Դուք մասնագիտությամբ ռեժիսոր եք,ով փորձ ունի կինոմատոգրաֆում։ Ինչպե՞ս որոշեցիք նկարահանել նաև տեսահոլովակներ։
-Շատ պատահական։ Առաջին տեսահոլովակը նկարահանել եմ ընկերներից մեկի համար՝անվճար,իսկ արդեն հետո ստացա տարբեր պատվերներ։ Հիմա համագործակցում եմ հայտնի կատարողների հետ։
-Ի՞նչ ծրագրեր ունի Freedom company-ին առաջիկայում։
-Մենք կազմակերպություն ենք,որը զբաղվում է թե կոմերցիոն և թե ոչ կոմերցիոն գործունեությամբ։ Առաջիկայում կունենանք ֆիլմի պրեմիերա,որը հետաձգվել էր պայմանավորված կորոնավիրուսով։
-Հարգելի Արուսիկ և Հովհաննես,մաղթում ենք Ձեզ նորանոր ստեղծագործական հաջողություններ։
