Մարտի յոթին Ռիտա Սարգսյանի ծննդյան օրն էր։ Երրորդ նախագահի տիկինը կդառնար 63 տարեկան։
Նրա երկնային ծնուդը շնորհավորել են մի շարք հանրային դեմքեր, մշակութային գործիչներ և հրապարակումներ կատարել ու կիսվել հույզերով, զգացմունքներով, սրտի խոսքեր ասել և մեծ ափսոսանք հայտնել նրա անժամանակ կորստի հետ կապված։
Շնորհավորական և հուզիչ մի հրապարակամամբ էլ հանդես է եկել Արմեն Աշոտյանը։ Քաղաքական գործիչը հանրայնացրել է Ռիտա Սարգսյանի և Սերժ Սարգսյանի համատեղ լուսանկարը, որտեղ նախագահի կինը ձեռքին ունի սրբապատկեր։
Արմեն Աշոտյանը լուսանկարում խորհուրդ է տեսել։ Այդ լուսանկարին կից նա գրել է․ «Ավելին, քան լուսանկար։ Աստված հոգուդ փրկություն տա, Ռիտա Ալեքսանդրովնա ջան, և շնորհավոր…»։
Այս հրապարակման մեկնաբանություններում մի շարք օգտատերեր շնորհավորել են Ռիտա Սարգսյանի երկնային ծնունդը և մեծ ափսոսանք հայտնել նրա չապրած տարիների համարի, ինչպես նաև բարձր գնահատել նրա գործունեությունն ու ներդրումը բժշկության մեջ։
