Հայաստանի երեսնամյա անկախությունն անց է կացվում շատ իրարամերժ ու ցավալի զգացողությունների ուղեկցությամբ, քանի որ դեռ չի լրացել պատերազմի մեկ տարին, ունենք գերիներ ու զինվորներ, որոնցից դեռ ոչ մի լուր չկա։ Շատերն ըմբոստանում են նման իրավիճակում որևէ միջոցառում անցկացնելու գաղափարի դեմ։
Այս պայմաններում ղեկավարությունը որոշել է անկախության տոնը նվիրել անմահացած հայ քաջերին՝ անկախության օրը սկսելով Եռաբլուրում հարգանքի տուրք մատուցելով ընկած տղաների հիշատակին։ Եռաբլուրում են նաև զոհվածների հարազատները։
Նրանց տրամադրությունն ու զգացմունքները հասկանալի կերպով լարված են։ Ներկաներից մեկը Սասուն Միքայելյանին դիմել է վիրավորական խոսքերով՝ նրան միամիտ և Ղարաբաղը ծախող անվանելով, իսկ Ս․ Միքայելյանն իր հերթին հակադարձել է տիկնոջը։
Նա նշել է, որ տիկինն իր խոսելով է վաճառել Արցախը։ Հետո Սասուն Միքայելյանն իր թիկնապահներին պատվիրել է տիկնոջը հեռացնել տարածքից։ Այս դրվագը ներկայացնող տեսանյութը կարող եք դիտել ստորև բերված նյութի մեջ։
