Այսօր ժամանակակից ամենատաղանդավոր դերասաններից մեկի՝ Արթուր Կարապետյանի ծննդյան տարեդարձն է. դերասանը նշում է ծննդյան հիսունհինգ ամյակը:
Նա անցել է բավականին հարուստ ու բազմաբեղուն կյանքի ու մասնագիտական ուղի՝ իր ձեռագրով առանձնանալով որպես յուրահատուկ անհատականություն:
Թատրոնի և կինոյի սրված ու հայտնի դերասան Արթուր Կարապետյանը մեծ ճանաչում ձեռք բերեց նաև հեռուստասերիալներում իր կերտած կերպարների շնորհիվ:
Նա իր բոլոր դերերում բացարձակ անկեղծ է ու տաղանդավոր: Որքան էլ ինքը՝ դերասանը, հարազատորեն ընդունի և սիրի թատրոնը, միևնույն է՝ նրան առավել մեծ ճանաչում բերեցին հեռուստատեսությամբ հեռարձակվող նախագծերը:
Ա. Կարապետյանի խաղացած ներկայացումներն ու ֆիլմերը բազմաթիվ են ու բազմաբնույթ: Նա իր մասնագիտական կայացման ճանապարհին համագործակցել է և աշխատել տարբեր թատրոններում: Նա նաև մոտ տասը տարի եղել է ռադիոհաղորդավար Հանրային ռադիոյում:
Ա. Կարապետյանի տիկինը՝ Սաթիկ Հախնազարյանը, ով ևս դերասնուհի է, աշխատում է ամուսնու հետ նույն թատրոնում:
