32-ամյա չինուհի Վան Նանն ամուսնու հետ Թաիլանդում շրջագայելիս ընկել է 34 մետր բարձրությունից, սակայն բժիշկներին հաջողվել է փրկել կնոջ կյանքը։
Ինչպես պարզվել է ավելի ուշ՝ հղի կնոջը ժայռից հրել է 33-ամյա Յու Սյաոդուն։ Բանն այն է, որ Սյաոդուն շատ պարտքեր է ունեցել, իսկ կինը՝ 3 մլն դոլար կարողություն։ Տղամարդու կարծիքով՝ այդ կարողությունը ժառանգելը իր փրկությունը կարող էր դառնալ։
Բարեբախտաբար, Վան Նանին հաջողվել է փրկվել։ Նա առողջական լուրջ խնդիրներ չունի՝ եթե հաշվի չառնենք մի քանի կոտրվածքը։ Կինը հղիության երրորդ ամսում է։ Մոր և երեխայի կյանքին ոչինչ չի սպառնում։
Նախ, Նանը ոստիկաններին ասել է, որ կորցրել է գիտակցությունը և ընկել ժայռից։ Սակայն թարգմանիչները լսել են, նրա հարցը ամուսնուն․ «Ինչու՞ հրեցիր ինձ»։ Հետո կինը պատմել է ճշմարտությունը։
Նրա խոսքով՝ ինքը և ամուսինը միասին բիզնեսով են զբաղվում, իսկ գումարներն իրեն են պատկանում։ Երբ Յուն խնդրել է կնոջը մարել պարտքերը, վերջինը համաձայնել է վճարել միայն անհրաժեշտ գումարի մի մասը։ Ուստի ամուսինը որոշել է տիրանալ ամբողջ կարողությանը։
«Հիվանդանոցում ամուսինս իմ կողքին էր, նա ինձ վախեցրել է և սպшռնшցել։ Այդ պատճառով ես ստիպված էի ստել իրավապահներին»,-ասել է Վան Նանը։
Յու Սյաոդուն ձերբшկшլվшծ է։