L.A պրոջեկտը ներկայացրել է «Օգնիր ինձ Մարիամ» երգը՝ Պ․ Սևակի պոեմի վրա։ Երգը գրել է Լևոն Արևշատյանը, պոեմը՝ Պարույր Սևակը։ Գործիքավորումը արել է Խաչիկ Սահակյանը, պրոդյուսերն է նախագծի՝ Սուրեն Սահակյանը։
Այս երգի մեջ Գոռ Սուջյանը չէ միայն սոլիստ։ Սոլիստները մի քանիս են, կան նաև խորային, միասին կատարումներ։ Այնքան երկնային ու հուզիչ է հնչում այս փառահեղ ու հուզիչ կատարումը այն էլ, երբ երգին ուղեկցում են զինվորական լուսանկարներ, կադրեր կռվից։
Նոր իմաստ է ստանում աղոթքը Սևակի այսօր, այս դժնդակ պահին, երբ ակամայից ցասումն է տիրում հոգուդ, երբ տեսնում ես ինչպես են ուզում քեզ ոչնչացնել, քեզ առանց ինքնության թողնել։
Աղոթքն է քեզ չարությունից փրկում, որ էլ առավել չատես, քան ատում ես, քանզի Աստված դա չի ներում, բայց միևնույնն է դու գիտես, որ առանց ցասման տունդ պահել չես կարողանա։
