Մանե Թանդիլյանը մի հրապարակում է կատարել, որտեղ ուշագրավ մանրամասներ է ներկայացրել Հանրապետության հրապարակի կառուցման վերաբերյալ։
Ստացվում է, որ դեռևս հարյուր տարի առաջ Թամանյանը Երևանի լիարժեք գեղեցկության համար ամեն բան հաշվի էր առել։ Թանդիլյանը Հանրապետության հրապարակի վերաբերյալ մի գրառում է նեկայացրել և պատմել, թե ինչու էր Թամանյանը չորս միանման շինություններից միայն մեկը կամարով նախագծել, որն 1-ին հայացքից խախտում է համաչափությունը։
Այդ թվացյալ անհամաչափությունը, սակայն, մի կարևորագույն կետով էր պայմանավորված։ Եվ ահա Թանդիլյանը հենց այդ մասին է գրում։
Նա մասնավորապես նշել է․ «Քչերն են տեղյակ, թե ինչու հրապարակի չորս շենքերից միայն 1-ն ունի դալան, որը խախտում է հրապարակի չորս միանման շենքերի համաչափությունը։ Հարյուր տարի առաջ Թամանյանի կողմից նախագծված հրապարակում այս դալանը կարևոր նշանակություն ուներ. այնտեղից երևում էր Արարատը»։
Իսկ գրառման ավարտին Թանդիլյանը հավելում է՝ ճարտարապետությունը և շինարարությունը պիտի լինի ոչ միայն մասնագիտական, այլև արժեքային ոգով։
