Ռոբերտ Քոչարյանը համացանցային իր հարթակում գրառում է կատարել, որտեղ խոսել է Ալիևի հայտնի հայտարարության մասին և ընդգծել այն բացասական իրավիճակը, որտեղ երկրի ղեկավարը նման հայտարարությունը անպատասխան է թողնում։
ՀՀ երկրորդ նախագահը գտնում է, որ պետք է համարժեք պատասխան հնչեր, քանի որ այդպես է պահանջում պետության շահը։ Իրավիճակը որակել է որպես վախվորածություն և անհստակություն, ապա նշել, որ միջազգային հարաբերությունները չեն հարգում վախվորածությունն ու անհստակությունը։
Ռոբերտ Քոչարյանը գրում է, որ Հայաստանը պետք է դրսևորի կամք և պաշտպանի տարածքային ամբողջականությունը։
«Ցավալի է փաստել, բայց քանի դեռ Հյաստանը ղեկավարում է պատերազմում պարտված ղեկավարը, այս ստորացուցիչ պատկերը շարունակվելու է»,- նշել է Քոչարյանը։ Այնուհետև անդրադառնալով Սյունիքի համայնքապետերի ձերբակալություններին՝ նշել է, որ դա պայմանավորված է իշխանությունների թերարժեքության բարդույթով։
Քոչարյանը գրառումն ավարտել է այն մտքով, որ իշխաննությունները բանտարկում են նրանց, ովքեր զենքը ձեռքներին պաշտպանել են մարզի բնակիչների անվտանգությունը։
