Ցավալի․ Ինչո՞ւ է մահացել արցախյան պատերազմում անմահացած հերոսի դուստրը

Հայտնի է դարձել, որ մահացել է Մարիետա Մայիլյանը, ով արցախյան պատերազմի անմահացած զոհերից մեկի դուստրն էր։ Մարիետայի մահվան մասին Սվետլանա Խաչատրյանը գրում է․


«Ծանր հիվանդության հետևանքով երկար մաքառումներից հետո երեկ՝ դեկտեմբերի 1-ին հիվանդանոցում մահացել է Ապրիլյան պատերազմում՝ Ջրականի (Ջեբրայիլ) պաշտպանության ժամանակ արիաբար նահատակված հադրութեցի տանկիստ, մայոր Հովսեփ Մայիլյանի դուստրը՝ Մարիետա Մայիլյանը։

Մարիետան 11 տարեկան էր, երբ հայրը հայրենիքի պաշտպանական մարտերում տանկի մեջ թշնամու հրետակոծությունից նահատակվեց։ Հոր զոհվելու ծանր ապրումներից հետո երեխայի մոտ ախտորոշվել է գլխուղեղի քաղցկեղ։

Նա երկրորդ ցավոտ ապրումները զգաց երբ 2020 թվականի հոկտեմբերին հոր գերեզմանը Հադրութում թշնամու վերահսկողության տակ մնաց։

Մեր սիրելի Մարիետան միացավ իր հայրենիքի նվիրյալ հերոս հայրիկին։ Լույսերի մեջ մնաս, Արցախի լուսե դուստր Մարիետա»,- իր հրապարակումն ավարտել է Ս․ Խաչատրյանը։ Նշենք, որ Մարիետան նոր էր բոլորել իր տասնյոթ տարին։

Понравилась статья? Поделиться с друзьями:
error: Content is protected !!