Տեղի ունեցավ աշխարհում առաջին մարդկային գլխի փոխպատվաստումը։

Չինաստանում տեղի է ունեցել մարդու գլխի ՝ աշխարհում առաջին փոխպատվաստումը։


Այս մասին Վիեննայում կայացած մամուլի ասուլիսի ժամանակ հայտարարել է իտալացի պրոֆեսոր Սերջիո Կանավերոն։ Դեռեւս 2015 թվականին գիտնականն ասել էր, որ երկու տարի անց նա կանցկացնի աշխարհում առաջին մարդկային գլխի փոխպատվաստումը, և դա ցնցել էր հասարակությանը:
Առաջին վիրահատությունը կատարվել է դիակի վրա։ Այն տեւել է 18 ժամ, եւ Harbin բժշկական համալսարանի թիմի բժիշկներին հաջողվել է վերականգնել բոլոր նյարդերը, անոթները եւ նույնիսկ ողնաշարը: Բժիշկ Ժեն Սյաոպինը գլխավորել է բժիշկների թիմը։ Նրան անցյալ տարի հաջողվել է փոխպատվաստել կապիկի գլուխը։


Վիրահատությունը հաջող է անցել, ուստի մոտ ժամանակներս պլանավորվում է կենդանի մարդու գլխի փոխպատվաստում իրականացնել։ Առաջին կամավոր հիվանդն է դարձել Ռուսաստանից համակարգչային մասնագետ Վալերի Սպիրիդոնովը, ով տառապում է ողնաշարի մկանային ատրոֆիայով։ Սակայն նա միակ մարդը չէ, ըստ Սերջիո Կանավերոյի ՝ վիրահատության համար ավելի շատ մարդ է համաձայնել, քան ինքը սպասում էր։


Ելույթ ունենալով մամուլի ասուլիսում ՝ գիտնականը նշել է, որ բնությունը մարդկությանը շատ երկար է թելադրել իր պայմանները, սակայն զարգացումը տեղում չի մնում: Մարդիկ զարգացել են եւ այժմ կարող են պայքարել տարբեր խնդիրների եւ հիվանդությունների դեմ: Եվ դրա ապացույցը մարդկային գլխի աշխարհում առաջին փոխպատվաստումն է: Վիրահատությունը հաջող է անցել, ինչը փաստագրական ապացույց է։ Անհրաժեշտ է միայն սպասել գիտական աշխատանքների արդյունքների պաշտոնական հայտարարմանն ու հրապարակումներին։
Այժմ մնում է միայն հուսալ, որ կենդանի մարդու վիրահատությունը նույնպես հաջողությամբ կանցնի եւ կօգնի շատ մարդկանց, որոնք տառապում են ծանր հիվանդություններով:

Понравилась статья? Поделиться с друзьями: