Շոու բիզնեսի ասպարեզում հայտնիություն ու հեղինակություն վայելող Թովմասյան եղբայրներից կրտսերը՝ Վահանը, ինչպես հայտնի է, նախորդ տարի անսպասելի և անակնկալ կերպով ամուսնացավ՝ ընտանիք կազմելով Ջուլիետայի հետ։
Դեռ ամռանը նշվում էր, որ Ջուլիետան մասնագիտությամբ դիմահարդար է։ Նշենք, որ Վահանը շատ ակտիվ կերպով մասնակցել է արցախյան վերջին մարտերին՝ այնտեղից շարունակաբար ոգևորիչ հրապարակումներ անելով։
Վահանի ամուսնության քավորը նրա մտերիմ ընկերներից հայտնի արտիստ Ռաֆայելն էր, ով հարսանեկան արարողության վերջին հատվածին չէր մասնակցել, քանի որ թատերական ներկայացման էր եղել և չէր ցանկացել բաց թողնել այն։
Այսօր արդեն հայտնի է, որ Ջուլիետան սպասում է իր առաջնեկին։ Այս մասին տեղեկանում ենք նրա հարթակից։ Ջուլիետան լուսանկար է տեղադրել, որտեղ երևում է, որ նա հղի է, իսկ կադրերում առկա թեմատիկ միջավայրից ու փուչիկներից հասկանալի է դառնում, որ Ջուլիետայի առաջնեկը դստրիկ է լինելու։
