Արդեն գարուն է։ Ճիշտ է, փոքր-ինչ դեռ ցուրտ, սակայն խոհանոցում կարելի է արդեն հաղորդակցվել գարնան հետ և այդ շունչը բերել տուն։
Սա տարվա այն եղանակն է, երբ պետք է սկսել ուժեղացնել օրգանիզմը։ Տապակած կանաչիները, կամ կանաչու զանազան տեսականերով ապուրներն ու աղցանները իսկական լուծում են և օրգանիզմի համար անփոխարինելի վիտամինների պաշար։
Առաջարկում ենք պատրաստել սպանախով կորեական աղցան, որի համար ձեզ անհրաժեշտ է ընդամենը 10 րոպե, իսկ բաղադրիչները հետևյալն են՝
300 գ սպանախ
1-2 պճեղ սխտոր
2 ճ/գ սոյայի սոուս
Բուսայուղ
Քունջութի բոված սերմեր
Կանաչ սոխ 1-2 ճյուղ (ըստ ճաշակի)
Եվ այսպես սկսենք պատրաստել․ ջուրը եռացնել և 30 վայրկյան սպանախը պահել տաք ջրում: Հետո հանել կաթսայից, ցողել սառը ջրով, լավ քամել:
Հավելել վերոնշյալ բոլոր բաղադրիչները և համեղ աղցանը պատրաստ է, կարող եք վայելել։ Համադրեք այն տապակած կամ խաշած կարտոֆիլի հետ։ Համեղ է ստացվում նաև բրնձի հետ։
